Portugaleko Tara Perdidaren abestien indarrarekin hasi dugu saioa. Ondoren Cinder protagonista izan dugu, Bartzelonako seikote Latinoamerikan burutzen ari den biraren aitzakiarekin. Bigarren ordu erdira SNFU handiak gogoan izan ditugu bai estudioan bai zuzenean grabatutako abestiekin. Jarraian Critikers eta Fly Shit taldeak aurkeztu ditugu. Eta saioaren amaieran, Mar del Platako (Argentina) The Garkas lagunekin amaitu dugu gure asteroko ordu bateko pogo intenso eta armonikoa. Badakizu: gurean, zauririk ez! Zatoz dena ematera!
Ots 22
Aste honetako Jarkortarrok irratisaioaren hasieran Argentinako Futuro imperfecto eta Da-skate taldeen abesti sorta batekin uhin libreak berotu ditugu.
Ondoren Greg Graffin-en “American lesion” (1997), I Against I talde holandarren “Headcleaner” (1998), Cordura-ren “La Ridícula Mecánica De La Vida Moderna“, Good Riddance-en “A Comprehensive Guide to Moderne Rebellion” (1996) eta Folkcore talde zarauztarraren “Petazetak” (2002) lanak berreskuratzeko tartea hartu dugu
Eta azkenik, maiatzean eta ekainean etorriko zaizkigun taldeak mahaigaineratu ditugu: Pennywise, Strike anywhere eta 7 Seconds. Hasi agenda prestatzen.
Izan jarkoreta, entzun jarkortarrok!
jarkor@koskairratia.com
Asteazkenero 21:00etan eta ostegunero 22:30etan.
Ots 04
Aste honetan Kaleginez taldeko Iñaki eta Julenekin solas egin dugu, Sakanako taldeari buruzko informazio zabaltzeko asmoarekin. “Bueltarik gabe” diskoarekin ezagutu ditugu eta plazer handia izan da haiekin kontatzea Jarkortarrok saioan.
Baita jarkor melodiko onenarekin ere astindu ditugu Koska Irratiko uhin libreak, talde hauen laguntzarekin: Rise Against, Face to face, Obrint Pas, Shaila.
Adi jarkoreta! Entzun eta erantzun!
Urt 23
Aste honetako saioan Da skate talde argentinarraren “Bhopal” eta “Piacenza” diskoen abestiak entzun ditugu, eta talde honen “No estás solo” abestiarekin batera gure besarkada beroa bidali diogu Asel Luzarragari. NOFX-en disko berriaren aurrerapena eskaini dizuegu, baita Good Riddance taldeko “A Comprehensive Guide to Moderne Rebellion” (1996) errepasoa ere. Bigarren ordu erdian Deabruak Teilatuetan taldeak jarkor melodikoa egiten duela erakutsi eta datozen egunetan emango duten kontzertuen datuak zabaldu ditugu. Azken txanpan Utopia Now taldearekin agortu zaigu denbora. Alemaniako talde honek Bad Religionen hazia landatu du jadanik europako erdialdean.
Izan jarkoreta, entzun Jarkortarrok!
jarkor@koskairratia.com
Urt 07
Saio honetan Sarkor-en¨Oingoan bai!¨ diskoa izan da asteko protagonista eta honen abestien konpaniaz uhin libreak astindu ditugu jarkor eta punk doinuekin. Ondoren D.O.A. ren lehenengo 5 urte birpasatu ditugu ¨Bloodied but un bowed¨ bilduma abiapuntu hartuta, baita Chemical People taldearen izen berdina duen lana gogoratu ere. Andaluziako G.A.S Drummers eta Sakanako Hesian taldeen inguruko azken berriak eta musikarekin azken laurdena igaro dugu. Euskal herrian egina, jarkor melodikoaren mugimenduaren bozgorailua izan nahi du Jarkortarrok irrati saioak.
Abe 27
Aizu jarkoreta! Aste honetako saioan Sakanako Kaleginez taldeak kaleratu berri den “Bueltarik gabe” disko aurkeztu dugu. Euskaraz eginiko jarkor melodikoaren adierazle ona, zalantzarik gabe. Ondoren Dead Kennedys taldeko sortzailaren egitasmo berriaz gozatu dugu: Jello Biafra and the Guantanamo School of Medicine Bilbon izan da duela gutxi, eta guk bezala zuzenean ikusteko aukerarik izan ez baduzu, zatoz gurera eta elkar entzungo dugu. Gu Jarkortarrok eta zu?
Abe 16
Denboraldiko 5. saio honetan Gorlizko Hardezan taldearen bigarren disko berreskuratu dugu eta munduan zehar instrumentuak astintzen dituzten hainbat taldek ere bai. Da-skate, Propaghandi, Burning Heads, Rise Against, besteak beste.
Kontaktua: jarkor@koskairratia.com
Abe 03
Aste honetan Propagandhi, Lag Wagon, Pilfers, Grimskunk, Tagada Jones, The Mighty Mighty Bosstones taldeen abestiak entzun ditugu. Eta bigarren ordu erdian Iruñeko Leihotikan taldeko Aitorrekin hitz egin dugu eta datorren urtean disko berria aterako dutela esan digu, baita musika dela aurrera egiteko arrazoia ere.
Aza 26
Punk mugimenduaren leherketa baino lehen jaio ginen, jarkorren sustraietan. Konturatu gabe gogortzen joan ginen, barneko sentimendu musikal berria adierazi eta askatzeko beharra sentitu genuen. Oihua bezain garratza, argia bezain azkarra. Lau akorde eta bateriaren partxeak izan ziren irtenbidea, maitasuna eta gorrotoaren adierazle. Jarkorretatik gatoz eta jarkorrera goazela aspaldi ikasi genuen, eta zuhaitz honetako adar ezberdinetan kulunkatuko gara: punk, ska, funk, etab.
Euskal herrian egina, jarkor melodikoaren mugimendu mundialaren bozgorailu izan nahi du Jarkortarrok irrati saioak.
Asteazkenetan 21:00etan eta ostegunetan 19:00etan
Kontaktua: jarkor@koskairratia.com
Aza 25
